Янгиликлар

81
Распечатать
24 Ноя 2022

ЖССТ: Дунёда коронавирусга чалиниш ҳолатлари 5 фоизга камайди

Шу йил 14-20-ноябрь кунларида Ер юзи бўйича 2,4 миллиондан ортиқ кишида COVID-19 инфекцияси аниқланди. Улардан 7,8 минг нафари хасталик оқибатида ҳаётдан кўз юмди.

 Жаҳон соғлиқни сақлаш ташкилотининг навбатдаги ҳисоботига кўра, касалланиш кўрсаткичлари ундан аввалги ҳафтага нисбатан 5 фоиз, ўлимлар сони эса 13 фоизга камайган.

 Сезиларли ўсиш динамикаси Жануби-Шарқий Осиё (+ 8 фоиз), Жанубий ва Шимолий Америка (+3 фоиз) мамлакатларида қайд этилди. Ўлим ҳолатлари эса Африка (+24 фоиз) ва Жануби-Шарқий Осиё (+13 фоиз) минтақаси давлатларида кўпайди.

Ўтган ҳафтада энг кўп беморлар рўйхатга олинган мамлакатлар:

 Япония — 593 минг,
 Жанубий Корея — 364 минг,
 АҚШ — 274 минг,
 Франция — 186 минг,
 Хитой — 158 минг.

Энг кўп беморлар ўлими қайд этилган давлатлар:

 АҚШ — 2 202,
 Япония — 702,
 Хитой — 476,
 Франция — 441,
 Россия — 430.

Обиджон Дилмуродов, маҳаллий консультант.

81
Распечатать
Нажмите на кнопку ниже, чтобы прослушать текст Powered by GSpeech